Ministria e Punëve të Jashtme të Serbisë ka dërguar një notë proteste në Ambasadën e Shqipërisë, duke dënuar ashpër djegien e flamurit serb në Tiranë.
Bëhet fjalë për video të publikuar në rrjetet sociale më 20 nëntor ku shfaqeshin disa tifozë shqiptarë duke djegur flamurin e Serbisë në sheshin “Skënderbej”.
"Ne besojmë se ngjarje të tilla dëmtojnë marrëdhëniet dypalëshe të dy vendeve, të cilat në vitet e fundit kanë arritur pikën më të lartë gjatë historisë së tyre të përbashkët shekullore”, thuhet në njoftimin e Ministrisë së Jashtme serbe.
Ministria e Punëve të Jashtme e Serbisë deklaron se “pret që institucionet kompetente të Shqipërisë të bëjnë gjithçka që është e mundur për identifikimin dhe ndjekjen penale të autorëve të atij akti, të cilët duken qartë në videon e publikuar, si dhe do të njoftojnë institucionet e Serbisë përmes kanaleve diplomatike brenda një afati të arsyeshëm”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
