Kuzhinierët dhe pastiçierët Brunilda Ahmetaj, Bledian Ibrahimllari dhe Eliseo Xibraku, sollën recetat e tyre më të dashura për shikuesit e programit të mëngjesit “Zgjohu me MCN”.
Ata rrëfyen sekretet e gatimeve tradicionale dhe ëmbëlsirat të cilat pos atyre tradicionale të cilat i gërshetojnë më ato moderne.
Bledian Ibrahimllari:
Është hera e parë që vij këtu dhe po prezantoj krijimet e mia.
Krijimet e mia varen nga ngarkesa, kjo figura do 3-4 orë të mira që të punosh me të.
Këto eksperimente me ëmbëlsira, i bëj me dorë, ja lëj kreativitetin dhe imagjinatës dhe i fus njerëzit vet të gatuajnë.
Eliseo Xibraku:
Janë receta të ndërthurura, psh, kam sjellë recetën Meliomakarona, është greke, ata e bëjnë siç ne kemi bakllavanë ata kanë disa receta por në ndër to është kjo. Kohëve të fundit është përhapur shumë dhe këtu, sepse është e bukur edhe për ta bërë dhuratë në festa, por është dhe e shijshme. Ka kanellë, karafil, sekret te kjo receta është semigali, është familje e miellit të misrit që e bën të jetë e shkrifët, duket sikur nuk ka sherbet por në brendësi nuk duket e rëndë.
Pjata tjetër është strudel është recetë e vjetër, e kanë bërë pastiqeritë e vjetra, është me arra me limon dhe pak sherbet. Bakllavanë e gatuaj me stika.
Brunilda Ahmetaj:
Tryeza ime për fundit, preferoj të gatuaj në mënyrë tradicionale për ti ruajtur shijet, gjelin e detit nuk dua t’ja humbas shijen dhe përpiqem ta gatuaj edhe me fruta të thata por që nuk ua ndryshoj shijen, marrin shije frutat e thata nga gjeli, sesa e kundërta.
Janë receta tradicionale kryesisht, luaj më shumë më ngjyrat. Përsheshin e gatuaj me kulaç me miell gruri dhe misri, këto dy vitet e fundit e kam bërë me fara kungulli, e bëj pak të hollë kulaçin që të jetë sa më i fortë, dmth të ketë sa më shumë kore, dhe përgatis lëngun me qepë dhe erëza, nenexhik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
