Ambasada e SHBA, ka reaguar pas takimit të ambasadores Yuri Kim me Kryeminsitrin Edi Rama. Në një postim në mediat sociale, ambasada e SHBA shkruan se është biseduar për çuarjen përpara të prioriteteve të dy vendeve.
Po ashtu bëhet me dije se SHBA do ndihmojë Shqipërinë për t’u bërë një aleate më e aftë në NATO dhe do vijojë mbështetja për Reformën në Drejtësi.
“Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta”, shkruan ambasada e SHBA.
Edhe kryeministri Edi Rama ka reaguar pas takimit me ambasadoren e SHBA-së në Tiranë, Yuri Kim.
Me një postim në rrjete sociale, Rama shprehet i lumtur për takimin me ambasadoren, ndërsa thotë se konçidoi me mbledhjen ku u miratuan ligjet ‘anti-KÇK’.
"Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate.
Koinçidencë e bukur mbledhja e mëpastajme e qeverisë, ku kaluam paketën AntiKÇK & Ligjin Special për masat pasurore ndaj krimit të organizuar", shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
