Nusja e gazetarit të vrarë, Jamal Khashoggi, tha se ishte i shqetësuar për vizitën në Konsullatën Saudite në Stamboll për fatin e tij, por i tha asaj se ai nuk mendonte se autoritetet do të guxonin ta merrnin në pyetje ose ta arrestonin atë në një vend të huaj.
"Rrethi i tij në Turqi ishte shumë i mirë si ju e dini, edhe rrethi i tij politik gjithashtu", tha Cengiz në televizioni turk Habertürk në një intervistë të premten. "Ai mendonte se Turqia është një vend i sigurt dhe nëse ai do të mbahej ose do të merrej në pyetje, kjo çështje do të zgjidhej me shpejtësi".
Opioninsti i Washington Post, i cili u largua nga Arabia Saudite për në SHBA vitin e kaluar, pasi ishte frikësuar për sigurinë e tij në vendin e tij, u vra menjëherë pasi u fut për të marr dokumentet e nevojshme për martesën e ardhshme të çiftit më 2 tetor konsullatën saudite në Stamboll.
Gjatë intervistës së saj, ajo thotë se ka refuzuar një ftesë në Shtëpinë e Bardhë nga Presidenti i SHBA, Donald Trump, pasi sipas saj, ai nuk është i sinqertë në hetimin për vrasjen.
Hatice Cengiz i tha se mendonte se ftesa kishte për qëllim të ndikonte në opinionin publik në SHBA.
Khashoggi u vra në konsullatën saudite në Stamboll tre javë më parë.
Arabia Saudite fillimisht mohoi të gjitha njohuritë për fatin e gazetarit, por më vonë u "dorëzua", duke pranuar gazetari ishte vrarë në konsullatë.
Presidenti Trump ka deklaruar se nuk është i kënaqur me vendimin saudit, duke hedhur mundësinë e vendosjes së sanksioneve, por gjithashtu ka theksuar rëndësinë e lidhjeve midis dy vendeve.
Hetuesit sauditë i kanë vonuar hetimet e homologëve turq disa herë, veçanërisht duke bllokuar policinë nga hetimi i një pusi në pronën e konsullit të përgjithshëm saudit.
Ekzistojnë disa rrugë hetimore që ende nuk janë shqyrtuar, i tha Erdoan anëtarëve të partisë së tij AK në fjalimin e së premtes.
Riad po dërgon prokurorin publik saudit në Stamboll të dielën për të ndihmuar hetimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
