Operacioni “Karavan” i policisë italiane në qytetin e Udines ka çuar në arrestimin e 7 personave anëtarë të një bande që merrej me trafikimin ndërkombëtar të lëndëve narkotike. Mes të arrestuarve janë edhe tre persona shqiptarë.
Personat e arrestuar janë të kombësive shqiptare, kosovare, marokene, nigeriane e italiane. Ansa’ shkruan se hetimi për këtë grup kriminal nisi që para dy vitesh, në 2015ën, ndërsa anëtarët e saj akuzohen dhe për krime ndaj personave dhe pronave.
Shqiptarët e arrestuar janë; Agim Kalemaj i datëlindjes 1956, Adriatik Kalemaj i datëlinjes 1992 e Fatos Sinani i datëlindjes 1989. Kundër 7 anëtarëve të bandës është lëshuar urdhëri i arrestimit me burg dhe arrest shtëpiak.
Nga hetimet e deritanishme rezulton se kjo bandë ka shitur të paktën 3 kg kokainë në qendrën e Udines. Ndërkohë, arrestimi i fundit u bë disa ditë më parë në Padova, ndërsa në banesën e tij janë gjetur dhe 11 mijë euro cash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
