Një studim i ri i botuar të enjten në Science zbulon se mosha kur metabolizmi ynë fillon të ngadalësohet është në të vërtetë shumë më vonë nga sa mendon shumica prej nesh, përfshirë këtu edhe shumë studiues.
Siç theksoi një raport i Neë York Times këtë javë, mbi 80 studiues nga 63 institucione mësimore të vendosura në të gjithë Amerikën e Veriut, Evropë, Azi, Afrikë, Lindjen e Mesme dhe Karaibet dorëzuan të dhëna për t'u përpiluar dhe analizuar studimin.
Të dhënat janë marrë nga 6,500 njerëz midis moshës tetë ditore dhe 95 vjeç.
Rezultatet mund të ndryshojnë atë që besohet për moshën dhe metabolizmin.
Studimi zbuloi se shpejtësia e metabolizmit ndikohet nga ajo që autorët i referohen si "katër faza të ndryshme të jetës". Ja cilat janë ato:
Foshnjat deri në një vjeç kanë metabolizmin më të shpejtë (rreth 50% më shpejt se të rriturit).
Pas një viti, metabolizmi "bie ngadalë në nivelet e të rriturve" deri në moshën afërsisht 20 vjeç.
Metabolizmi "mbetet i qëndrueshëm në moshën e rritur 20 deri në 60 vjet, edhe gjatë shtatzënisë.
Më pas sic raportojnë studiuesit, shpenzimi ynë i energjisë "zvogëlohet tek të moshuarit" me rreth 20%. Kjo mund të nënkuptojë që organet vendimtare po funksionojnë më pak, pasi zemra, mëlçia, truri dhe veshkat përbëjnë 65% të shkallës metabolike. Studimi gjithashtu hodhi poshtë besimet e zakonshme në lidhje me gjininë dhe metabolizmin.
Ky studim nuk gjeti asnjë ndryshim në shpenzimin e energjisë midis dy gjinive kur studiuesit kontrolluan për faktorë të tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
