“Lamtumirë Iran, do të kthehem më e fortë”.
Ky është mesazhi i postuar në Instagram nga atletja iraniane e skive Atefeh Ahmadi, e cila u largua nga vendi i saj dhe kërkoi azil në Gjermani.
Vajza 22-vjeçare kishte marrë pjesë në Lojërat Olimpike të vitit 2022, si skiatorja e vetme femër e vendit të saj, duke mbajtur flamurin e Iranit në inaugurim.
Në një video në rrjetet sociale, Ahmadi tha se zemra i rreh për atdheun dhe se do të dëshironte të qëndronte pranë popullit, veçanërisht në protestat e vazhdueshme kundër sistemit, por se u desh të largohej për shkak të pengesave të shumta që hasi në sport "pasi përparësi u jepet gjithmonë meshkujve".
“I premtoj popullit të Iranit dhe familjes sime se do të punoj shumë për të marrë pozicionin që meritoj”, tha ai.
Kreu i federatës iraniane të skive, Abbas Nazarian, nga ana e tij tha se Ahmadi mori një vendim personal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
