Një konflikt me kryeministrin kanadez e ka detyruar të largohet nga kabineti ministren e Veteranëve.
Jody Wilson-Raybould, e cila më parë ka mbajtur postin e ministres së Drejtësisë, prej një muaji ishte vendosur në krye të Ministrisë së Veteranëve.
Por ditën e djeshme ajo i ka paraqitur dorëheqjen kryeministrit Justin Trudeu.
Në letër, ajo nuk shpjegon arsyet e largimit nga qeveria, por vendimi vjen pas disa raportimeve në mediat kanadeze, sipas të cilave, kryeministri Trudeau, gjatë kohës kur Raybould ishte ministre Drejtësie, i ka bërë presion për të shmangur hapjen e një hetimi për një kompani të madhe ndërtimi në Kanada.
Justin Trudeau mbyll këtë vit mandatin e parë si kryeministër dhe kandidon për një mandat të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
