Në nderim të 25 vjetorit të çlirimit të vendit, Kuvendi i Kosovës ka mbajtur seancë solemne.
Fjalim rastin mbajti edhe presidenti i Shqipërisë, Bajram Begaj, i cili kujtoj kontributin e madh të presidentit historik Ibrahim Rugova, e veprimtarin e çështjes kombëtare, Adem Demaçi.
Ai veçoi sakrifica e familjes Jashari, të cilët i quajti “flakadanë të lirisë”.
Përulemi me nderim para martirëve dhe figurave të shquara.
Sot nderojmë Ibrahim Rugovën, arkitektin e Pavarësisë, simbolin e rezistencës paqësore.
Nderojmë kryetrimin, Adem Jashari, legjendë e gjallë e atdhedashurisë. Burra të tillë rrallë i lindë historia.
Kosova nuk ishte vetëm. Qindra vëllezër nga Shqipëria, Mal i Zi, Maqedonia e Veriut e Diaspora iu bashkuan luftës.
Shqipëria hapi zemrën dhe dyert e shtëpive për vëllezërit e motrat e dëbuar nga spastrimi etnik e gjenocidi i Millosheviçit.
Kosova nuk ishte vetëm! SHBA-ja, Britania e Madhe, BE-ja dhe NATO, mbështetësit e fuqishëm të kauzës së saj, ndërhyrja e të cilëve ndaloi spastrimin etnik, gjenocidin, dhe i dha të drejtë popullit që kërkonte lirinë.
Për presidentin Begaj, sot shqiptarët kanë nevojë për të ruajtur dhe forcuar kohezionin kombëtar dhe socio-kulturor edhe sot.
Kosova dhe Shqipëria janë dy, dy shtete, një komb, një gjak, një gjuhë, një ëndërr dhe aspiratë e madhe
Shqiptarët kanë nevojë për të ruajtur dhe forcuar kohezionin kombëtar dhe socio-kulturor edhe sot,
Në sfidat e kohërave, epokave dhe padrejtësive, shqiptarët e kanë të pacenueshëm shqiptarizmin.
Kemi nevojë më shumë se kurrë për manifest krenarie kombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
