Kryeministri Edi Rama prezantoi sot ministrin e ri të Drejtësisë Besfort Lamallari, duke theksuar se ky kabinet ka një barrë të madhe në procesin e negociatave për anëtarësimin në BE. Rama vuri në dukje se ballafaqimi me Brukselin s’të lë të fshihesh dhe as të mundëson të bësh makijazh.
“Ministria ka një barrë shumë të madhe në procesin e negociatave të anëtarësimit, dhe është pozitive që vjen një prej negociatorëve tanë më të dalluar, që ka mbuluar atë pjesë të llogores që i përkiste Ministrisë së Brendshme. Përtej kësaj Ministria e Drejtësisë ka edhe plot sfida të tjera, që lidhen me sistemin penitenciar, me gjithë problematikat dhe nevojat e atij sistemi, ku është bërë një punë e jashtëzakonshme, por mundësitë janë të bëjmë shumë dhe mirë dhe shumë më mirë, sepse kapacitetet janë zhvilluar dhe burimet financiare janë shtuar, dhe ambicia dhe dëshira janë edhe më të mëdha sot. Negociatat për anëtarësim na kanë vënë para syve një realitet që s’e njihnim siç duhej. Ballafaqimi me Brukselin s’të lë të fshihesh, as të mundëson të bësh makijazh. Di apo s’di, e bën apo s’e bën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
