Ministria e Brendshme maqedonase ka firmosur urdhër arrestin për ish-kryeministrin Nikolla Gruevski.
Ky vendim erdhi pas njoftimit nga Gjykata Penala që nuk ka mundur të gjejë të akuzuarin Nikolla Gruevski për t’i dorëzuar vendimin që menjëherë të paraqitet në burg për të kryer dënimin për rastin "Tanku".
Megjithatë, policia nuk e ka gjetur aty Gruevskin, ndërsa kërkimi për të do të vazhdojë bëjnë me dije autoritetet.
Gjatë ditëve të kaluara postieri gjyqësorë tentonin Gruevskit t’i parashtrojnë vendimin e Gjykatës Penale, me të cilin refuzohet ankesa e tij lidhur me dënimin dyvjeçar me burg, që ai duhet ta vuajë për rastin “Tank”.
I menjëhershëm ishte edhe reagimi i partisë opozitare maqedonase, VMRO-DPMNE, e cila me anë të një deklarate thekson se “Qeverisja kriminale sonte preku fundin dhe konfirmoi se Republika e Maqedonisë nuk ka institucione por vetëm instrumente të kartelit kriminal që keqpërdorohen për llogaritje politike”
Partia kryesore opozitare në Maqedoni theksoi se “I vetmi politikan i amnistuar për kriminalitet të rëndë, Zoran Zaevi ka porositur mediat të jenë prezent para shtëpisë së deputetit dhe kryetar nderit të OBRM-PDUKM-së, Nikolla Gruevski për ta zmadhuar kurthin ndaj tij”, thotë VMRO-DPMNE-ja duke shtuar se keqpërdorim i tillë i institucioneve dhe medias nuk është parë në asnjë shtet evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
