Tristan Thompson i kërkon falje Khloé Kardashian pasi u bë baba i një fëmije tjetër

Tristan Thompson ka zbuluar se është bërë baba i një djali të porsalindur dhe i ka kërkuar falje Khloé Kardashian.

Basketbollisti i Sacramento Kings tregoi në Instagram historitë e tij duke thënë se një test i atësisë ka vërtetuar se ai ka një fëmijë me modelen e fitnesit Maralee Nichols.

“Unë marr përgjegjësinë e plotë për veprimet e mia”, ka shkruar ai. "Tani që atësia është vendosur, mezi pres të rris miqësisht djalin tonë. Unë sinqerisht i kërkoj falje kujtdo që kam lënduar apo zhgënjyer gjatë gjithë kësaj sprove, publikisht dhe privatisht."

Thompson i kërkoi falje në mënyrë specifike Khloes, e cila është nëna e vajzës së tij trevjeçare, True, dhe me të cilën thuhet se ishte në një lidhje kur la shtatzënë Nichols.

“Khloé, ti nuk e meriton këtë”, ka shkruar ai. "Ti nuk e meriton dhimbjen dhe poshtërimin që të kam shkaktuar. Nuk e meriton mënyrën se si të kam trajtuar unë gjatë viteve. Veprimet e mia sigurisht që nuk janë në përputhje me mënyrën se si unë të shikoj."

“Kam respektin dhe dashurinë maksimale për ty”, shtoi ai. "Pavarësisht se çfarë mund të mendosh. Përsëri, më vjen shumë keq."

Marrëdhënia e trazuar e çiftit u dokumentua në “Keeping Up ëith the Kardashians”. Kardashian mësoi se Thompson kishte qenë i pabesë ndaj saj vetëm disa ditë para lindjes së saj, e ndjekur më vonë nga një pretendim se ai kishte kryer marrëdhënie seksuale me mikeshën e familjes Jordyn Woods.

Thompson dhe Kardashian thuhet se u ndanë gjatë verës.

Testi i atësisë erdhi pasi Nichols ngriti një padi për atësinë kundër Thompson në Los Anxhelos vitin e kaluar.

Thompson ka gjithashtu një djalë 5-vjeçar, Prince, me ish të dashurën Jordan Craig.