Zjarrfikësit dhe autoritetet mjekoligjore në Spanjë thonë se 10 trupa janë nxjerrë nga rrënojat e një kompleksi apartamentesh 14-katëshe që u përfshinë nga zjarri në Valencia.
Veshja e fasadës së ndërtesës dhe erërat e forta dyshohet se ndihmuan në përhapjen e menjëhershme të flakëve në pak minuta. Tri ditë zie pritet të mbahen në Spanjë në lidhje me tragjedinë e rëndë. Mes të zhdukurve raportohet të jetë edhe një çift i ri me dy fëmijë të vegjël dhe dy të moshuar,
“Mund të konfirmojmë se në një inspektim fillestar policia mjeko-ligjore ka përcaktuar 10 trupa, 10 viktima, të cilët përkojnë me 10 personat e pagjetur”, u tha gazetarëve Pilar Bernabé, përfaqësuesja e qeverisë spanjolle në rajonin e Valencias.
Bernabé nuk dha informacione mbi shkaqet e zjarrit duke theksuar rëndësinë e sekretit hetimor. Megjithatë mediat raportojnë se shtresa prej poliuretani e fasadës së pallateve mund të ketë ndikuar në përhapjen e shpejtë të zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
