Lulzim Basha publikon librin e parë!

Veç takimeve, fjalimeve apo statuseve në rrjeteve sociale, kryedemokrati Lulzim Basha ka zgjedhur që t’u flas qytetarë para zgjedhjeve të 25 prillit përmes një libri.

“Misioni im” është libri i botuar prej tij vetëm 1 muaj para datës kur Shqipëria do të vendosë për qeverinë e re.

Kjo është hera e parë që Basha shkruan dhe boton një libër, ndërsa në faqet e tij fokusohet tek jeta e tij në politikë, nga fillimet e këtij rrugëtimi deri sot kur kërkon që t’i besohet një post me rëndësi, ai i kryeministrit.

Në përshkrimin e tij shkruhet se ky libër vjen si një letër e hapur drejtuar shqiptarëve. “Në të janë qasjet e tij personale mbi jetën politike në vend dhe zhvillimet e opozitarizmit nën drejtimin e tij, lidhjet e tij familjare e personale dhe historikun e përfshirjes së tij në politikën aktive në vend”, shkruhet ndër të tjerash në kopertinën e librit, i cili kushton 1000 lekë.

Ai pritet ta prezantojë librin gjatë ditës së sotme. Libri është botuar sot, datë e cila shënon 29-vjetorin e fitores së parë të Partisë Demokratike.