Serbia voton sot në zgjedhjet e jashtëzakonshme për parlamentin e ri. Kutitë e votimit janë hapur prej orës 7 të mëngjesit për 6.5 milionë banorë me të drejtë vote.
Në total janë 8 mijë e 273 qendra votimi. Zgjedhjet e jashtëzakonshme kanë qenë kërkesë e opozitës serbe përgjatë gjithë këtij viti që është shoqëruar me protesta masive, ndërsa ky do të jetë një test i rëndësishëm për Presidentin Aleksandër Vuçiç.
Serbët e Kosovës, të katër komunave në Veri, kanë udhëtuar prej orëve të para të mëngjesit drejt Serbisë për të votuar në 4 qytete.
Ata janë organizuar me autobusë duke sjellë edhe kolona të gjata në pikat kufitare.
Ndërsa situata është ndryshe për shqiptarët e Luginës së Preshevës. Kësaj radhe të ndarë në dy lista, Beteja politike e shqiptarëve vazhdon me kryesues Shaip Kamberin dhe Alternativa Demokratike Shqiptare- Lugina e Bashkuar me kryesues Shqipërim Arifin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
