Nga data 27 mars deri më 19 prill fermerët kanë mundësi të aplikojnë në skemat e subvencioneve nga Ministria e Bujqësisë.
Që në orët e para të mëngjesit fermerët e Elbasanit, Belshit dhe Cërrikut janë paraqitur në institucionet përkatëse për t’u regjistruar.
Korrespondentja e MCN Tv, Entela Duka tha përmes një lidhje të drejtpërdrejtë me MCN Live se fermerët po presin në radhë, për t’i mbyllur sa më shpejt këto procedura.
Fermerët e Elbasanit po presin për të përfituar nga skemat e subvencionimit. Edhe pse autoritetet kanë thënë që afati është deri në 19 prill, shihet ngutje e fermerëve të Elbasanit që duan t'i mbyllin sa më parë këto procedura . Flasim për fermerët e bashkisë së Elbasanit, ata të Belshit dhe Cërrikut kanë një sportel më vete.
Fermerët shqetësohen këto radhë të gjata. Kanë ardhur që herët, pa u çelur orari zyrtar, kanë udhëtuar nga fshatrat.
Një prej fermerëve tha për mikrofonin e MCN TV se shteti duhet të mbështesë bujqësinë dhe fshatin.
Kemi ardhur me shpresën për të marrë 5 lekë, mos ta lëmë tokën djerrë, të mos vijë mishi i pulës nga Brazili. Toka po shkon degradimit. Këtu kanë ngelur vetëm të moshuar.
S’ka shtet, shteti duhet të stimulojë bujqësinë, fshatin e ka lënë pa rrugë, pa ujë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
