Qytetari denoncon te “Xhadat”: Po më detyrojnë të paguaj faturën e shlyer në One Albania!

<p>Në emisionin investigativ "Xhadat", në MCN TV, qytetari Bujar Saraçi, nga qyteti i Kavajës, ka denoncuar një rast ku në qershor të këtij viti ka paguar detyrimim mujor për telefonin fiks, tek një nga pikat e Unionit Financiar Tiranë, (agjenci financiare në rrjetin e së cilës kryhen pagesa për shërbime të ndryshme.) Kontratën për këtë numër, klienti e ka me kompaninë Albtelcom, e cila është blerë nga kompania One Albania.</p> <p>Në librezën që qytetari disponon, muaji qershor rezulton i paguar më datë 20.07.2024 dhe mbi datën është vendosur vula. Ndonëse është e vendosur mbrapsht, ajo konfirmon kryerjen e pagesës, për të cilën kompania One Albania deklaron se nuk i figuron në sistem, duke ia ngarkuar si detyrim qytetarit.</p> <p>Fillimisht gazetari bashkë me denoncuesin ju drejtuan zyrave të Unionit Financiar Tiranë për të kërkuar një sqarim në lidhje me pagesën e bërë, ndërsa këta të fundit, ja pasuan topin kompanisë One Albania.&nbsp;</p> <p>Ndonëse prej 20 ditësh qytetari kishte bërë ankesë tek kompania One, ai nuk kishte marrë asnjë përgjigje.&nbsp;</p> <p>Punonjësja e filialit ku ishte dorëzuar ankesa, pranoi marrjen e saj nga qyetari, teksa e drejtoi tek zyrat qëndrore të kompanisë për marrjen e një përgjigje.&nbsp;</p> <p>Gazetari dhe qytetari ju drejtuan kompanisë One , ku i vetmi që i priti ishte punonjësi I sigurisë. Ai I kërkoj qytetarit të ripërsëriste kërkesën.</p> <p><strong>Gazetari</strong>: Zotëria ka një problem. Ka një faturë që është shënuar në librezë që është e paguar dhe ndërkohë në sistem i del që nuk e ka paguar. Një muaj, vetëm muajin qershor. Dhe doja të sqarohesha pak me kompaninë, sepse na adresuan zyrat e shkresave në 21-sh.</p> <p><strong>Punonjësi i sigurisë</strong>: Në 21-shi? Po ky zotëria e ka bërë ëë....kur e ke bërë ti o zotëri?</p> <p><strong>Qytetari</strong>: Kam 20 ditë, edhe më shumë.</p> <p><strong>Gazetari</strong>: Ka dërguar shkresën dhe nuk ka marrë informacion akoma.</p> <p><strong>Punonjësi i sigurisë</strong>:&nbsp;Po ti tani përse....</p> <p><strong>Gazetari</strong>: Po ta zgjidhim këtë çështje, ka një faturë.....</p> <p><strong>Punonjësi i parkimit</strong>: Zgjidhjet këtu kanë një formular, kanë një formular këta.</p> <p><strong>Gazetari</strong>: Po pra, e kemi dërguar dhe formularin.</p> <p><strong>Punonjësi i sigurisë</strong>: Lëre tashi, ç'ke bërë tani me formularin andej-këndej.&nbsp;</p> <p><strong>Gazetari</strong>: Po e kemi dërguar pra formularin këtu.</p> <p><strong>Punonjësi i sigurisë</strong>: Ti djali i tij je, çfarë je ti?</p> <p><strong>Gazetari</strong>: Unë jam gazetar.</p> <p><strong>Punonjësi i sigurisë</strong>: Gazetar je...</p> <p><strong>Gazetari</strong>: Zotëria është qytetar, ka një shqetësim.</p> <p><strong>Punonjësi i sigurisë</strong>: Është qytetar, tani këtu ka një formular, që do ta mbushim këtu formularin dhe do t'ia dërgojmë departamentit përkatës e të marrin në telefon, të të sqarojnë. Nuk ke punë ti fare, për këtë problem që ka ky. Ky zotëria e sqaron problemin.</p> <p><strong>Punonjësi i sigurisë</strong>: Ore ti unë po të them t'ia çoj departamentit përkatës unë, lëre çfarë kanë bërë ata nga 21-shi, se po të ishte kështu.....</p> <p><strong>Gazetari</strong>: Po kur merret përgjigjja?</p> <p><strong>Punonjësi i sigurisë</strong>: Pas 30 minutave, merret përgjigjja.</p> <p><strong>Gazetari</strong>: Nëqoftëse për 30 minuta nuk do zgjidhet do shkoj brenda në departament pastaj.&nbsp;</p> <p><strong>Punonjësi i sigurisë</strong>: &nbsp;Ore po të them unë që kjo punë do marrë drejtim sot ore... Që ka 20 ditë zotëria edhe nuk e ka marrë përgjigjen.</p> <p><strong>Gazetari</strong>: Ok.</p> <p>Pak minuta pas këtij bashkëbisedimi, qytetarit ju komunikua fakti se problemi i tij u zgjidh dhe nuk do t`i mbaheshin më paratë e muajit qershor, për të cilin kishte paguar njëherë.</p>