Administrata Trump, shkruan Politico po planifikon të rrisë ndjeshëm dërgimin e emigrantëve pa dokumente në Gjirin e Guantanamos duke filluar nga kjo javë, me të paktën 9,000 persona.
Kjo do të ishte një rritje eksponenciale nga afërsisht 500 migrantët që janë mbajtur për periudha të shkurtra në bazë që nga shkurti dhe një hap i madh drejt realizimit të një plani që Presidenti Donald Trump njoftoi në janar për të përdorur objektin për të mbajtur deri në 30,000 migrantë.
Transferimet në Guantanamo mund të fillojnë që të mërkurën, thuhet në dokumente. Pritet që të paraburgosurit të qëndrojnë në objekt përkohësisht përpara se të deportohen në vendet e tyre të origjinës.
Arsyeja zyrtare për transferimet është lirimi i hapësirës për shtretër në qendrat e paraburgimit në tokën amerikane.
Planet janë hartuar vetëm gjatë ditëve të fundit dhe mund të ndryshojnë ende, thonë dokumentet. Por Departamenti i Sigurisë Kombëtare mund të mos i njoftojë vendet paraprakisht për individët e prekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
