Takimi me Metën, ambasada e SHBA-ve: Kim përsëriti nevojën që partitë të bashkohen për t’u përfshirë në dialog

Ambasada e SHBA-ve në Shqipëri ka reaguar pas takimit mes ambasadores Yuri Kim dhe kreut të Partisë së Lirisë, Ilir Meta.

Përmes një reagimi në rrjetet sociale, ambasada bën me dije se Kim përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE.

Ambasadorja e Shteteve të Bashkuara Yuri Kim u takua sot me Kryetarin e Partisë së Lirisë, si pjesë e takimeve të saj të vazhdueshme me udhëheqës politikë shqiptarë. Ajo përsëriti nevojën që partitë politike të bashkohen për t’u përfshirë në dialog konstruktiv që forcon demokracinë, lufton korrupsionin dhe çon përpara negociatat e Shqipërisë për anëtarësim të plotë në BE