Ka ndërruar jetë në moshën 80-vjeçare kantautori italian Toto Cutugno.
Këngëtari ndërroi jetë sot rreth orës 16:00 në spitalin San Raffaele në Milano ku ishte shtruar.
Lajmin e dha për “ANSA” menaxheri i tij, Danilo Mancuso duke shpjeguar se gjendja e këngëtarit ishte përkeqësuar muajt e fundit.
I lindur më 7 korrik 1943, Toto Cutugno ishte simboli i melodisë italiane edhe jashtë vendit, mbi të gjitha falë “L'Italiano”.
“Më lër të këndoj me kitarë në dorë, më lër të këndoj, unë jam italian” është refreni i tij më i njohur.
Një ikonë e vërtetë e popit, ai mori pjesë 15 herë në Festivalin e Sanremos.
Toto shkroi hite jashtëzakonisht të njohura, përveç "L'Italiano", edhe "Gli amori", "Figli", "Le mums", “Il tempo se ne va", "La mia musica", "Solo noi ” janë disa nga këngët e tij më të njohura.
Krahës muzikës, Cotugno ka prezantuar disa spektakle dhe në televizion. Ai ka drejtuar "Piacere Rai1" dhe një edicion të suksesshëm të "Domenica In" në 1987 . Në vitin 2019 ai ishte pjesë e jurisë në “Ora o mai più” në Rai1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
