Përmbytjet në zonën e Nënshkodrës, KESH ul shkarkimet nga HEC-i i Vaut të Dejës

Situata e përmbytjeve në zonën e Nënshkodrës e ka detyruar Korporatën Elektroenegjetike Shqiptare të marrë masa. Në mbledhjen e Sekretariatit Teknik të Komisionit të Posaçëm të Trajtimit të Plotave është marrë vendimi për të ulur shkarkimet nga HEC-i i Vaut të Dejës.

Në mënyrë që të mos rëndohet situata e përmbytjeve në zonën e Nënshkodrës, shkarkimet nga HEC do të të ulen me 300 m3/s.

Sipas të dhënave të përditësuara në faqen e KESH, sot, më 12 shkurt, situata aktuale në kaskadën e lumit Drin, paraqitet e tillë:
Prurjet natyrore në kaskadë janë 1930 m3/s.
Shkarkimet nga prodhimi dhe portat e shkarkimit janë :

• Hec Fierzë – 478 m3/s nga prodhimi, 0 m3/s shkarkime nga portat.
• Hec Koman – 670 m3/s nga prodhimi, 300 m3/s shkarkime nga portat.
• Hec Vau Dejës – 437 m3/s nga prodhimi, 500 m3/s shkarkime nga port-at
  Nivelet në liqenet e Kaskadës së Drinit janë:
• Hec Fierzë 293.12 mmnd, ( kuota max. 296 mmnd)
• Hec Koman 172.02 mmnd, ( kuota max. 175.5 mmnd)
• Hec Vau i Dejës 74.48 mmnd ( kuota max. 76 mmnd)
  Prodhimi në të tre Hec-et është :
• Hec Fierzë, 8,007 MWh (ditor)
• Hec Koman, 13,693 MWh (ditor)
• Hec Vau Dejës, 4,420 MWh (ditor)
  Prodhimi total plotëson të gjithë kërkesën për energji elektrike të konsumit për vendin.