54 persona kanë vdekur dhe më shumë se 100 të tjerë u plagosën pasi një kamion u përmbys në Meksikën jugore ditën e enjte. Sipas mediave vendase besohet se shumica e viktimave janë emigrantë nga Amerika Qëndrore.
Ngjarja ndodhi në shtetin Chiapas të Meksikës, i cili kufizohet me Guatemalën. Fotot nga vendi i ngjarjes tregojnë kamionin në anën e tij pranë një ure për këmbësorë dhe trupat e shtrirë në rrugë të mbështjellë me çanta trupash.
Në pamjet e publikuara menjëherë pas aksidentit, njerëzit mund të shiheshin të shtrirë në rrugë, pranë një rimorkioje të bardhë që ishte çarë. Automjeti u përplas në një kthesë të ngushtë jashtë qytetit të Tuxtla Gutierrez, kryeqyteti i shtetit Chiapas.
Fëmijë, gra dhe burra ishin midis të vdekurve, njoftoi Reuters, duke cituar qeverinë e shtetit Chiapas.
Një dëshmitar duke folur për Reuters tha se ata dëgjuan të qara nga të mbijetuarit ndërsa punonjësit e shpëtimit mbërritën në vendin e përplasjes, nga një urë këmbësore në autostradë.
Guvernatori i shtetit Rutilio Escandón shkroi në Twitter se përveç viktimave, 105 njerëz u plagosën në aksident, mes tyre 83 burra dhe 22 gra.
Tre persona janë ende në gjendje të rëndë, sipas Prokurorisë së Përgjithshme.
Ministri i Jashtëm meksikan Marcelo Ebrard tha se disa nga njerëzit që vdiqën ishin shtetas të huaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
