Toka do të ketë një vizitë të papritur sonte në mbrëmje.
Në fakt, rreth orës 20:31, një asteroid i vogël do të kalojë jashtëzakonisht afër planetit Tokë. Asteroidi me një diametër prej tre metrash, i cili u zbulua vetëm më 9 prill nga teleskopi Pan-Starrs 2 në Haëaii, quhet 2024 GJ2 dhe do të kalojë vetëm 12 320 kilometra nga sipërfaqja e Tokës (e barabartë me 3% të distancës Tokë-Hënë), duke udhëtuar mbi Australi me një shpejtësi prej 14.4 kilometra në sekondë. Ngjarja, sado interesante, nuk do të sjellë ndonjë rrezik impakti, njofton Agjencia Evropiane e Hapësirës në një postim në X.
Asteroidi "do të kalojë mirë brenda orbitës së satelitëve në unazën gjeostacionare", shpjegon ESA me një video animacion. "Në këtë distancë, graviteti i fuqishëm i Tokës do të ndryshojë ndjeshëm orbitën e asteroidit rreth Diellit."
Sado afër që të jetë, kalimi i asteroidit të vogël nuk përbën asnjë rrezik, theksojnë ekspertët, përkundrazi: nënvizon se sa po rriten aftësitë tona në identifikimin e asteroidëve edhe shumë të vegjël që shkojnë drejt Tokës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
