Sandër Dapaj, 37 vjeç, i dënuar më parë, u arrestua pasi në mbrëmje ngriti në këmbë policinë e Tiranës, teksa qëlloi 6 herë me armë në rrugën “Bardhyl”. Gjatë kontrollit atij ju gjet edhe arma e zjarrit e llojit "Beretta".
Policia e Tiranës ka sqaruar se e gjitha ndodhi në një lokal bastesh sportive në pronësi të një 44-vjeçari me inicialet K.S. Rreth orës 22:10, pronari, i mbështetur edhe nga Sandër Dapaj (tashmë i arrestuar), janë përfshirë në një konflikt për motive të dobëta me pesë persona të tjerë: G.S, 35 vjeç, E. O., 35 vjeç (i dënuar më parë ), Sh. F., 32 vjeç, E. B., 36 vjeç dhe O. Xh., 46 vjeç , të gjithë banues në Tiranë.
Si pasojë e konfliktit të ndodhur Sandër Dapaj, ka qëlluar në ajër me Beretta.
Ndërkohë pronari i pikës së basteve sportive është shpallur në kërkim nga policia dhe akuzohet për veprën penale “organizim i lotarive të palejuara” dhe “vënia në dispozicion e lokaleve për lojëra fati”.
Gjatë kontrollit të ushtruar në lokalin e basteve i cili rezultoi pa licencë, janë gjetur dhe sekuestruar njësi kompjuteri për vendosjen e basteve sportive dhe televizorë plazma.
Policia thotë se “vijon puna për identifikimin e personave të tjerë të përfshirë në këtë ngjarje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
