Pasi priti sot në Presidencë një përfaqësi të banorëve të zonës së Astirit, pronat dhe shtëpitë e të cilëve preken nga projekti i Unazës së Re, kreu i shtetit ka dalë me një qëndrim publik në lidhje me këtë projekt. Presidenti Ilir Meta thotë se zgjidhja përfundimtare dhe më e mirë është ajo e anulimit të këtij projekti pasi paraqet shkelje të shumta ligjore.
Kreu i shtetit i kërkon qeverisë anulimin e menjëhershëm të Projektit për “Rehabilitimin e segmentit rrugor mbikalimi i Pallatit me Shigjeta – Rrethrrotullimi i sheshit “Shqiponja” dhe nisjen e procedurave me garë të hapur për të realizuar një Projekt të Ri. Sipas Metës, hartimi i projektit të ri duhet të përfshijë detyriminsht konsultim publik me banorët e zonës dhe me ekspertë të pavarur.
Po ashtu, presidenti kërkon edhe pezullimin e zbatimit dhe shfuqimin e çdo procedurë apo akt administrativ që ka të bëjë me përjashtimin e objekteve nga procesi i legalizimit apo i prishjes së ndërtimeve, referuar projektit ekzistues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
