Ministri i Brendshëm Saimir Tahiri, bën apel për dorëzimin e armëve. Tahiri u ka bërë thirrje banorëve të fshatit “Asim Zeneli” në zonën e Antigonesë në Gjirokastër që të dorëzojnë vullnetarisht armët pa leje që nga koha e vitit ’97. Tahiri inauguroi në Gjirokastër edhe zyrën e shërbimit për qytetarët pranë policisë së qarkut.
“Një Shqipëri pa armë. Ne na duhet një Shqipëri e kulturës, e librave, e sportit, por nuk na duhet një Shqipëri me armë. Ka 20 vite që nga ’97, që Shqipëria e ka këtë problem, me armë të paligjshme që gjenden në duart e qytetarëve. Policia do të trokasë derë më derë në të gjithë Shqipërinë për të ftuar qytetarët të dorëzojnë armët. Sot me ligjin që kemi miratuar, ai që dorëzon armën nuk dënohet”, tha Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
