Kryeministri i ri i Polonisë Donald Tusk, ka këmbëngulur se ai nuk do të tolerojë asnjë lloj "ndjenja anti-ukrainase" në radhët e qeverisë së tij.
Në prag të zgjedhjeve në tetor, Partia e krahut të djathtë Ligj dhe Drejtësi "u përpoq të luante me ndjenjat anti-ukrainase" për të mbetur në pushtet.
Asgjë e tillë nuk do të ndodhë në qeverinë e tij, tha Tusk në një intervistë për TVN24 të premten.
"Unë kurrë nuk do të lejoj askënd në qeverinë time të ndërtojë pozicionin e tij mbi një lloj ndjenje anti-ukrainase," u shpreh politikani pro-BE, i cili tashmë drejtoi qeverinë polake midis 2007 dhe 2014 dhe dikur ishte president i Këshillit Evropian nga 2014 deri në 2019.
Kievi ka nevojë për mbështetjen e Varshavës dhe të gjithë Perëndimit, sepse "për sa kohë që Ukraina po lufton Rusinë, ne jemi relativisht të sigurt", shpjegoi ai.
"Nuk mund të ketë dyshime për ... përfshirjen tonë dhe përfshirjen e të gjithë botës perëndimore në mbështetje të Ukrainës... Çdo patriot polak duhet t'i njohë absolutisht këto arsye," theksoi Tusk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
