Shfaqja me fishekzjarre shkaktoi rrëmujë në turmë, 9 të vdekur në Uganda

Të paktën nëntë persona humbën jetën pas një incidenti në një qendër tregtare, në kryeqytetin e Ugandës. 

Pas një shfaqje me fishekzjarre jashtë qendrës tregtare Freedom City në Kampala u shkaktua një rrëmujë, ku vdiqën 5 persona dhe u plagosën disa të tjerë.

Mësohet se 4 persona humbën jetën në spital, duke e çuar në 9 numrin e viktimave. 

“Emergjencat mbërritën në vendngjarje dhe i transportuan të lënduarit në spital, ku u konfirmua se nëntë kanë vdekur”, thuhet në një deklaratë të autoriteteve vendase. 

Mes viktimave mësohet se ka qenë edhe një i mitur.