Qytetarët e Durrësit vijojnë të qëndrojnë për të dytën ditë radhazi, në pritje për të bërë aplikimin përkatës për grantet e rindërtimit.
Një numër i lartë qytetarësh qëndrojnë tek Prefektura në Durrës, aty ku edhe kryhen aplikimet për dëmet e pësuara nga tërmetii 26 nëntorit 2019.
Banorët, shtëpitë e të cilëve janë dëmtuar nga tërmeti kanë zënë radhë që në orët e para të mëngjesit për të dorëzuar dokumentacionet e nevojshme në mënyrë që të përfitojnë nga grantet e rindërtimit.
Zyra përkatëse në prefkturë është hapur me vonesë, duke krijuar radhë të gjata dhe shqetësime te qytetarët.
“Kemi ardhur që në orën 5 këtu dhe nuk na kanë dhënë asnjë informacion. Duan të na infektojnë me virus këtu. Çfarë bëhet këtu? Të na thonë të paktën të ikim. Të na thonë të vërtetën që do aplikojmë apo jo”, shprehen ata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
