Aleatët e NATO-s kanë rënë dakord të financojnë përpjekjet ushtarake të Ukrainës kundër Rusisë me 40 miliardë euro vitin e ardhshëm, sipas një diplomati për Reuters, një javë përpara se liderët e tyre të takohen në Uashington.
Sekretari i Përgjithshëm i NATO-s, Jens Stoltenberg, u kishte kërkuar vendeve anëtare që ndihma ushtarake për Ukrainën të jetë në të njëjtin nivel si në vitet e mëparshme pas pushtimit rus të Ukrainës në vitin 2022, duke miratuar rreth 40 miliardë euro në vit.
Udhëheqësit e NATO-s pritet të nënshkruajnë marrëveshjen javën e ardhshme në Uashington.
Kievi tha më parë se shpreson të marrë garanci për ndihmën e ardhshme ushtarake gjatë samitit të Uashingtonit, si dhe një sinjal të qartë të aspiratave të anëtarësimit.
Zyrtarët e NATO-s treguan se Ukraina nuk ka gjasa të marrë një ftesë gjatë samitit, por takimi do të përmbajë " gjuhë të re " mbi perspektivat e Ukrainës në NATO dhe do të fokusohet në një udhërrëfyes drejt anëtarësimit të saj përfundimtar.
Aleanca gjithashtu thuhet se planifikon të vendosë një përfaqësues të lartë në Kiev dhe të krijojë një komandë të re në Gjermani për të koordinuar ndihmën për Ukrainën, kryesisht për ta mbrojtur atë nëse Donald Trump kthehet në Shtëpinë e Bardhë pas zgjedhjeve presidenciale më vonë këtë vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
