Dhuron veshje dhe aksesorë për bamirësi, por dënohet me 17 vjet burg. Kjo është historia e pazakontë e një burri 49-vjeçar nga Columbus, Ohio, i cili kishte dhuruar për bamirësi disa rroba dhe një çantë. Por pikërisht nga çanta ka dalë një e vërtetë që e ka çuar pas hekurave. Në të janë gjetur 32 foto që dokumentonin abuzimin e tij me një vajzë të vogël.
Gary Sovie shfaqej në foto teksa abuzonte me vogëlushen, ngjarje e ndodhur në vitin 1999. Bashkë me fotot janë gjetur edhe disa dokumente, që ia kanë bërë të lehtë policisë zbardhjen dhe arrestimin e 49-vjeçarit.
Nëna e vajzës ka thënë në sallën e gjyqit se në momentin e ngjarjes e bija ka qenë rreth 18 muajshe dhe nuk ka asnjë kujtim nga ajo që ka ndodhur. Ajo është shprehur se nuk ka dyshuar kurrë te Sovie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
