Ditën e sotme është mbajtur mbledhja e këshilltarëve socialistë të Bashkisë së Tiranës, në selinë e Partisë Socialiste.
Bëhet me dije se këshilltarët e PS morën vendim që t’i paraqesin Këshillit bashkiak në mbledhjen e ardhshme, të martën më 23 shtator, kërkesën për shkarkimin e Veliajt, dhe nisjen e procesit për zgjedhje të jashtëzakonshme për Bashkinë e Tiranës.
Argumenti që do të përdoret për procedurat e shkarkimit është mungesa në detyrë e kryebashkiakut për më shumë se tre muaj. Kujtojmë që kryeministri Edi Rama i hapi dritën e gjelbër zgjedhjeve në Tiranë gjatë fjalës së mbajtur në Asamblenë e fundit të PS-së.
Gjatë kësaj asambleje ai shpalli gjithashtu Ogerta Manstirliun si kandidaten e PS për zgjedhjet e ardhshme të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
