Presidenti i Kamerunit, Paul Biya, në moshën 92 vjeç, kreu më i vjetër i shtetit në detyrë në planet dhe vetëm i dyti që ka marrë detyrën pas pavarësisë së vendit njoftoi të dielën, më 13 korrik, nëpërmjet rrjetit social X se do të kandidojë për mandatin e tij të tetë në detyrë në tetor.
Duke qëndruar në pushtet për 43 vjet, që nga viti 1982, ish-kryeministri 1975-1982 dhe gruaja e tij kalojnë pjesën më të madhe të kohës në Zvicër, shpesh për arsye shëndetësore.
Në vitin 2024, autoritetet ndaluan zyrtarisht çdo spekulim publik në lidhje me shëndetin e tij.
Unë jam kandidat në zgjedhjet presidenciale të 12 tetorit 2025. Jini të sigurt se vendosmëria ime për t’ju shërbyer është e barabartë me madhësinë e sfidave me të cilat përballemi.
Më shumë se gjysma e popullsisë së Kamerunit prej 30 milionësh, është nën 19 vjeç dhe nuk ka njohur kurrë një udhëheqës tjetër.
Zyrtarisht, ish-kolonia gjermane, dikur franceze dhe britanike, pasi Parisi dhe Londra e ndanë midis tyre pas Luftës së Parë Botërore, është një demokraci shumëpartiake, por partitë e opozitës, shoqëria civile dhe shtypi i nënshtrohen kufizimeve drakoniane.
Opozita e përçarë përgjithmonë, akuzon autoritetet për manipulim sistematik të procesit zgjedhor. Në vitin 2018, u njoftua se Presidenti Biya kishte siguruar 71% të votave dhe kundërshtari i tij kryesor 14%.
Që nga viti 2017, përleshjet midis folësve frëngjisht dhe anglisht në vendin e Afrikës Qendrore kanë lënë të paktën 6500 të vdekur dhe kanë zhvendosur 600.000 të tjerë.
Papunësia e mundon popullsinë, pasi vlerësohet se prek 74% të të rinjve, inflacioni prej 5% ul fuqinë blerëse të qytetarëve, ku afërsisht 40% e të cilëve jetojnë në varfëri, pavarësisht burimeve jo të pakta minerale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
