Dhjetëra mijëra njerëz në Brazil kanë dalë në të ashtuquajturit mitingje pro demokracisë, në një përgjigje të zemëruar ndaj sulmit në Kongres nga mbështetësit e ish-presidentit Jair Bolsonaro.
Në qytetin më të madh të vendit, São Paulo, turmat brohorisnin se Bolsonaro duhet të shkojë në burg.
Rreth 1500 persona janë arrestuar gjatë trazirave të së dielës në kryeqytetin Brasília.
Trazirat erdhën një javë pasi Presidenti Luiz Inácio Lula da Silva u betua pas zgjedhjeve të tetorit që ndanë Brazilin.
Të hënën në mbrëmje, lideri i ri 77-vjeçar, i njohur gjerësisht si Lula, vizitoi ndërtesat e dëmtuara të Kongresit, Pallatit Presidencial dhe Gjykatës së Lartë së bashku me guvernatorët e vendit, duke dënuar "aktet terroriste" dhe duke u zotuar të ndëshkojë autorët.
Bolsonaro, 67 vjeç, nuk e ka pranuar humbjen në zgjedhjet e luftuara fort dhe fluturoi në SHBA përpara dorëzimit më 1 janar. Të hënën, ai u shtrua në spital në Florida pas dhimbjeve në stomak.
Pjesëmarrja në demonstratën e São Paulo ishte mbresëlënëse, raporton BBC. Një pjesë e Paulista Avenue, rruga më e famshme e Brazilit, u bllokua ndërsa turmat mbushën zonën, duke kënduar, kërcyer dhe brohoritur për drejtësi.
Shumë erdhën të veshur me të kuqe, ngjyrat e Partisë së Punëtorëve të Lulës, të tjerë tundnin pankarta ku thuhej: "Nuk ka amnisti për puçistët" dhe bënin thirrje për ndëshkimin e përgjegjësve. Nuk kanë munguar edhe thirrjet “Burg për Bolsonaron”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
