Unioni i Gjyqtareve: Të shqetësuar për eksplozivin ndaj Sterkajt. Organet të veprojnë më shpejt për kapjen e autorit

Unioni i Gjyqtareve të Shqipërisë ka reaguar me shqetësim në lidhje me shpërthimin me eksploziv në derën e banesës e gjyqtarit Tonin Sterkaj.

Përmes një deklarate për mediat Unioni i Gjyqtarëve të Shqipërisë “dënon me forcë këtë akt të shëmtuar kriminal, i cili nuk drejtohet vetëm ndaj kolegut gjyqtar Z.Tonin Sterkaj por edhe ndaj të gjithë magjistratëve (gjyqtarë e prokurorë) në Republikën e Shqipërisë, të cilët me përkushtim dhe në kushte të një ngarkese jashtëzakonisht të lartë pune, presioni mediatik e politik, përpiqen çdo ditë të japin drejtësi”.

Unioni i Gjyqtarëve të Shqipërisë thekson se, “ky sulm i pabesë e burracak ka për qëllim jo vetëm frikësimin e magjistratëve por edhe cënimin e rendit e të sigurisë publike, si dhe forcimin e sundimit të ligjit dhe shtetit të së drejtës në vendin tonë!”

Po ashtu kërkohet nga organet ligjzbatuese "të veprojnë më shpejt se rastet e mëparëshme, për të indetifikuar, kapur e vënë para përgjegjësisë penale çdo autor të mundshëm të këtij veprimi të shëmtuar krimininal".