Ndahet nga jeta në moshën 101-vjeçare, pionieri i televizionit amerikan Norman Lear

Pionieri i televizionit amerikan dhe mbreti i sitcoms, skenaristi, regjisori dhe producenti, Norman Lear ka vdekur në moshën 101-vjeçare, njoftoi familja e tij.

Krijuesi, komeditë e të cilit revolucionarizuan ekranin e vogël në vitet 1970 dhe 1980, nuk u ndal gjatë karrierës së tij për të treguar “jetën reale të amerikanëve, jo idealin e një reviste”, theksojnë të afërmit e tij.

I njohur në SHBA për komeditë e tij të suksesshme si “The Jeffersons” dhe “All in the Family”, Norman Lear konsiderohej një pionier i televizionit amerikan, duke prekur tema të ndjeshme përmes të qeshurit.

Seriali i tij televiziv trajtonte racizmin, seksualitetin, pabarazitë apo edhe dallimet politike, duke u ofruar miliona familjeve amerikane një pamje më realiste të jetës familjare.

Norman Lear ishte gjithashtu producenti i parë që prezantoi rregullisht një familje afrikano-amerikane në televizionin amerikan, Evanses, yjet e serialit “Good Times”, i cili u transmetua nga viti 1974 në rrjetin televiziv amerikan CBS. Ai u nderua, gjatë karrierës së tij, me gjashtë çmime Emmy.

Historia “e televizionit mund të ndahet në dy epoka, BN (PN) dhe AN (MN): Para Normanit dhe Pas Normanit”, deklaroi në 2016 skenaristi dhe producenti amerikan Phil Rosenthal.

Gjatë karrierës së tij të famshme, Lear mori një sërë nderimesh, duke përfshirë hyrjen në Hall of Fame të Akademisë së Televizionit; gjashtë çmime Emmy; një çmim Peabody për Arritje të Jetës; Medaljen Kombëtare të Arteve; dhe së fundmi, çmimi Carol Burnett për arritje të jetës në Golden Globes virtual në shkurt 2021.

Lear u nderua nga brezat e drejtuesve të shfaqjeve, shkrimtarëve, producentëve dhe interpretuesve, të cilët e shihnin atë si një mjeshtër të talentuar të argëtimit në ekranet e vogla dhe një revolucionar.