Porsche i përdorur nga Tom Cruise në ’82-shin shitet për 25-fishin e vlerës

Një fans i “Risky Business” nuk ngurroi të paguante 1.98 milionë dollarë për një Porsche 928 të vitit 1979, që Tom Cruise e përdori në vitin 1982.

Ankandi u zhvillua në Houston dhe edhe vetë organizatorët mbetën të habitur nga oferta. Një Porsche 928 e vitit 1979 në gjendje të mirë, praktikisht vizualisht e pastër dhe origjinale nga fabrika, vlen 79 500 dollarë.

Për më tepër, Road and Track raporton se ky i njëjti model u shit për vetëm 49,200 dollarë në 2011. Pse dikush pagoi 25 herë më shumë, një dekadë më vonë, mbetet mister.

Ndoshta pronari i ri është një fans i çmendur i Cruise.

Ose ndoshta ka plane për të rikrijuar skenën e ndjekjes së Risky Business, përfundimi i së cilës e vë Cruise përballë pasagjeres, duke thënë frazën e njohur të asaj kohe "Porsche. Nuk mund të zëvendësohet".