Agjencia hapësinore e Kinës ka publikuar videon e roverit të saj Zhurong që endet nëpër sipërfaqen e Marsit.
Pamjet u shkrepën nga një aparat fotografik pa tel që roboti kishte vendosur në tokë.
Publikimi i ri i pamjeve përfshin gjithashtu sekuenca nga zbarkimi i Zhurong në maj, duke treguar vendosjen e sistemit të tij me parashutë dhe momentin e prekjes së sipërfaqes së Marsit.
Roboti me gjashtë rrota po heton një rajon të njohur si Utopia Planitia.
Në tre videot e publikuara, në të parën shihet teksa Zhurong vendos kamerën pa tel në tokë dhe largohet.
Në videon e dytë tregon Zhurong duke tundur rrotat ndërsa ishte ulur pranë platformës së saj të uljes.
Dhe në video e tretë shihet teksa roveri rrotullohet dhe ulet në sipërfaqe.
Ajo që është interesante në këto filmime është se ato janë gjithashtu me zë. Në to mund të dëgjohet sistemi i lëvizjes së robotit në veprim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
