Rreshjet e shiut kanë shkaktuar shembjen e çatisë në një prej kishave monument kulture në Voskopojë. Çatia e kishës së Shën Thanasit, e cila daton me vitin 1724 është shembur nga shiu ndërsa prej vitesh ishte e amortizuar.
Dëmtimi ka ndodhur në pjesën veriore të kishës, ku është shembur gati 30%, ndërsa sipas specialistëve 90% e çatisë është e amortizuar.
Pas dëmtimit pritet një ndërhyrje e përkohshme nga Drejtoria e Monumenteve të Kulturës por nëse nuk bëhet një restaurim i plotë, stina e reshjeve rrezikon të thellojë dëmet, madje të prekë dhe afresket që janë ndër më të konservuarat.
Edhe pse problematika është konstatuar më herët dhe degradimi i çatisë është bërë i njohur, financimet mungojnë. Përveç këtij objekti, edhe kisha e Shën Mëhillit rrezikon të njëjtin fat pasi çatia e saj rrezikon shembjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
