Lamtumirë Alitalia! Po tani?

ITA mori vendin e Alitalias, pasi kjo e fundit kreu fluturimin e saj të final të enjten. Ndërsa marka e Italia Trasporto Aereo, financimi i saj, struktura e rrugës dhe miratimi nga Brukseli janë zgjidhur, ka ende shumë pyetje pa përgjigje për pasardhësin e gjigantit të falimentuar të fluturimeve.

1. Emri

"ITA Airways" është shkruar në avionët e zbukuruar me flamurin trengjyrësh të Italisë në bisht. Marka historike Alitalia, me elegancën e saj të viteve 1970, u shit në ITA në minutën e fundit për vetëm 90 milion € (një ujdi në krahasim me çmimin fillestar të kërkuar prej 290 milion €). Vendimi për të përdorur emrin ITA Airëays vjen nga "dëgjimi i njerëzve", tha kompania.

ITA ruan të drejtën për të përdorur markën Alitalia në të ardhmen nëse dëshiron, dhe uebfaqja e vjetër të çon te kompania e re. Shitja gjithashtu do të thotë që marka Alitalia nuk mund të blihet nga një rival - diçka që Ryanair, e cila është një lojtar i madh në tregun italian, tha me keqardhje se mund të përpiqet ta bëjë.

2. A do të jetë konkurruese në treg?

Shumë nga kushtet e jashtme që e bënë Alitalia-n të lëkundet nuk kanë ndryshuar. Linjat ajrore me kosto të ulët, një prezencë e gjatë në tregun italian, ia kanë dalë më mirë se rivalët e tyre të vjetër gjatë pandemisë.

Hekurudha italiane me shpejtësi të lartë gjithashtu ndihmoi në minimin e modelit të biznesit të Alitalia. Këtë herë, ITA po shikon partneritetet me operatorët hekurudhor për bileta të kombinuara hekurudhore dhe fluturuese.

3. A do t'i bashkohet një aleance?

CEO i ITA, Fabio Lazzerini, tha vitin e kaluar se një aleancë është "themelore" për të ardhmen e kompanisë së tij. "Bota e linjave ajrore është e mbushur me aleanca. Është e vështirë të jesh vetëm".

Alitalia ishte anëtare e aleancës SkyTeam së bashku me Air France-KLM dhe Delta, por kjo ishte një pasuri që ITA nuk e trashëgoi nga paraardhësi i saj. Linja ajrore e re do të duhet të bëjë oferta për të marrë pjesë, por gjithashtu mund të kalojë në Star Alliance, e cila përfshin Lufthansa, Tap Air dhe Air Canada.

4. A do t'i kushtojë taksapaguesit italian më shumë para?

Kompania e re e fillon punën me 1.35 miliardë euro para të injektuara nga Roma, dhe shpreson t’i përdorë më mirë ato para sesa Alitalia.

Ditët e para do të jenë të vështira. ITA pritet të humbasë 1.9 milion € në ditë gjatë fazës së fillimit, sipas Corriere della Sera, e cila ka analizuar planet financiare të linjave ajrore.

Vitin e ardhshëm, kur linja ajrore supozohet të zgjerojë flotën e saj me 50 përqind dhe të shtojë 1.000 punonjës të tjerë (megjithëse ende e mban listën e pagave shumë më poshtë se Alitalia), transportuesi planifikon të humbasë 267 milion €. Shpresohet të zvogëlojë humbjet në 33 milionë euro deri në vitin 2023 para se të fitojë mbi 100 milionë euro në 2024 dhe më shumë se 200 milionë euro në 2025.

5. A do të mbijetojë?

Rivalët nuk japin një shpresë të madhe për ITA.

Drejtori i Përgjithshëm i Wizz Air József Váradi parashikoi në fillim të kësaj jave se linja ajrore do të ketë ecuri të keqe "si të gjithë transportuesit e tjerë italianë më parë".

Qeveria shpreson që ai ta ketë gabim. 

Një mënyrë për të mbajtur ITA -në në këmbë do të ishte shitja e saj tek një grup i madh i linjave ajrore.

Por ITA nuk është i vetmi transportues i vogël kombëtar që mund të bëhet një kafshatë joshëse për një transportues më të madh. Pastaj është pyetja e ndërlikuar politike për qeverinë italiane që të shesë shumicën e aksioneve të xhevahirit të saj të ri të kurorës te të huajt - diçka që nuk i ndodhi kurrë me Alitalia pavarësisht vështirësive të saj të shumta.