Lidhja midis ushqyerjes, inflamacionit dhe demencës është tashmë e njohur: ajo që hamë kontribuon në vendosjen e trupit tonë në një gjendje inflamacioni të përhershëm dhe në afat të gjatë kjo gjendje favorizon ato procese neurodegjenerimi që më pas shkaktojnë simptomat tipike të çmendurisë, duke përfshirë sëmundjen e Alzheimerit.
Sipas Organizatës Botërore të Shëndetësisë (OBSH), në vitin 2050 do të ketë më shumë se 250 milionë njerëz të prekur nga demenca. Tani një studim i ri ka arritur të llogarisë se sa një dietë e pasur me ushqime pro-inflamatore mund të rrisë rrezikun e demencës.
Vlerësimet e kryera në një audiencë prej mbi 1400 pjesëmarrësish të monitoruar për më shumë se 20 vjet zbuluan deri në 84% rrezik plus të lidhura me një dietë inflamatore. Po flasim për një rrezik pothuajse të dyfishtë.
Në vazhdën e studimeve të mëparshme që kanë konfirmuar se si disa dieta mund të mbrojnë trurin e njeriut më shumë se të tjerat nga efektet e proceseve inflamatore, një grup studiuesish nga Instituti Glenn Biggs për Alzheimer hetoi lidhjen midis inflamacionit të shkaktuar nga faktorët e ushqimit dhe shfaqjes së sëmundjes vite më vonë.
Pas një periudhe ndjekjeje prej 22.3 vjetësh, 246 pjesëmarrës kishin zhvilluar demencë, duke përfshirë 187 sëmundjen e Alzheimerit. Ai zbuloi se pjesëmarrësit me dietat më pro-inflamatore kishin një rrezik më të lartë për t'u sëmurë.
Jo vetëm kaq, diferenca e rrezikut midis grupit me rezultatet më të larta dhe atij me rezultatet më të ulëta, dhe për rrjedhojë dietat më antiinflamatore, ishte vërtet e konsiderueshme, e barabartë me 84% më shumë.
Kjo do të thotë se një dietë e pasur me ushqime inflamatore pothuajse mund të dyfishojë rrezikun e demencës në krahasim me një dietë të pasur me ushqime anti-inflamatore. Një e dhënë që sipas studiuesve mund të përdoret për të zhvilluar strategji që mund të ndihmojnë në parandalimin e demencës me fillim të vonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
