LSI-ja i është përgjigjur me anë të deputetes Silva Caka deklaratës së kryeministrit Rama dje në Berat, ku u shpreh se pak vite më parë gratë socialiste u larguan pa të drejtë nga puna se ishin me PS-në.
Në një deklaratë për shtyp, deputetja e LSI-së, Silva Caka, tha se “gratë socialiste janë zëvëndësuar nga vajzat e korridoreve të Rilindjes”, tha deputetja Caka. Ajo u shpreh se Rama i frikësohet humbjes përballë LSI-së, madje përmendi edhe zgjedhjet prër kryetar të PS-së.
Caka nuk i kurseu fyerjet dhe epitetet e tipit “Kryepolici i Rilindjes” “I mjerë” dhe “I pashpresë” në adresë të Ramës.
“Ai ishte njeriu më i frikësuar brenda PS të bënte zgjedhje me rival Ben Blushin e jo më të bënte zgjedhje të lira e me të gjithë aktorët të përfshirë në garë”. “Rilindjen e ktheu në ndërmarrjen më të madhe të drogës në Europë” u shpreh deputetja, që e quajti një inskenim kriminal, procedimin penal për deputetin e LSI Gledion Rahovica dhe drejtorin e spitalit të Beratit për blerje të votave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
