Ish-kryetarja e Kuvendit, Jozefina Topalli, thotë se do të ishte zgjedhur deputete nëse do t’u buzëqeshte familjarëve të kryetarit Basha. E ftuar në emisionin “Debati në Channel One” me gazetarin Roland Qafoku, Topalli tha se edhe Enver Hoxha e mblidhte formalisht byronë, gjë që Basha nuk e ka bërë, pavarësisht se i është kërkuar.
“Unë i kam shkuar në zyrë tre javë para zgjedhjeve dhe i kam kërkuar që të mblidhen strukturat e partisë. Ai s’bëri asnjë gjë. Edhe Enver Hoxha i mblidhte formalisht byrotë. Gjithsesi unë e dija që po t’u buzëqeshja familjarëve të Bashës do isha në listë. Por këtë se bëj dot”.
Topalli tha se ndjen neveri për grupin në PD që është pro Bashës.
“Unë ndjej neveri për atë grup që mbështet Bashën. Ata janë njësoj me ata që nxjerrin partinë mbi Shqipërinë. Në PD nuk ka garë. Selami nuk është kandidat i vërtetë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
