Tesla ka prezantuar automjetin e ri elektrik, një robotaksi të quajtur Cybercab, në eventin e kompanisë në Kaliforni. Elon Musk doli në skenën me një Cybercab ngjyrë argjendi, e cila nuk ka timon dhe pedale.
Dizajni ishte futurist, me dyer që hapen lart si krahë fluture dhe një kabinë të vogël me hapësirë të mjaftueshme për dy pasagjerë. Nuk ka as prizë, pasi Musk tha se karikimi do të jetë induktiv.
Miliarderi zbuloi se automjeti do të hyjë në prodhim në vitin 2026 dhe do të ketë një çmim më pak se 30,000 dollarë. Musk shfaqi gjithashtu një automjet më të madh të quajtur Robovan, i aftë për të transportuar deri në 20 persona.
Musk ka këmbëngulur se të dhënat e kompanisë tregojnë se FSD është tashmë më e sigurt se makinat e drejtuara nga njerëzit.
Por të tjerët që e kanë testuar atë veçori pyesin nëse kjo është e vërtetë. Një shërbim i pavarur testimi, AMCI Testing, zbuloi se shoferët duhej të merrnin kontrollin mesatarisht çdo 13 milje.
Disa analistë besojnë se Tesla përfundimisht do të dalë me teknologjinë e nevojshme për të pasur automjete pa shofer që transportojnë pasagjerë, besojnë se arritja është të paktën disa vite në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
