Kuvendi i është drejtuar me një kërkesë për opinion Komisionit të Venecias në lidhje me shkeljet kushtetuese nga ana e presidentit Meta në rastin e anulimit të dekretit të 30 qershorit. Letra që mban firmën e kryeparlamentarit Gramoz Ruçi është dërguar dy ditë më parë.
Komisioni Hetimor u ngrit një muaj pas dekretit të Kreut të Shtetit për anulimin e zgjedhjeve të 30 qershorit. Ky është komisioni i parë hetimor në historinë e pluralizimi për shkarkimin e Presidentit.
Komisioni u ngrit pas kërkesës së 55 deputetëve socialistë.
Komisioni i kryesuar nga Ulsi Manja dhe 8 deputetë të tjerë, 4 nga mazhoranca dhe 4 nga opozita do të hetojë Metën për një periudhë 3-mujore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
