Rama tërhiqet nga projekti për riciklimin e mbetjeve

Qeveria është tërhequr nga projekti për riciklimin e mbetjeve, duke e futur për diskutim në Parlament dekretin e ish-Presidentit Nishani.

Në mbledhjen e grupit të PS, Rama tha se ky vendim u mor jo se ata që e kundërshtojnë kanë të drejtë, apo ish-presidenti ka të drejtë, por është e drejtë e publikut që të mirëinformohet.

“Sa i përket çështjes së dekreteve, ne do të mbajmë një qendrim siç e kemi shprehur në respekt të procedurës së Kuvendit të Shqipërisë dhe do të tërhiqemi nga projekti, si i tillë në këtë fazë pasi besojmë jo që ata që e kundërshtojnë projektin kanë të drejtë, jo se presidenti i mëparshëm që ktheu projektin ka të drejtë por është e drejta e të gjithë qytetarëve që të jenë të mirinformuar për këtë projekt. Flas për projektin e riciklimit të mbetjeve  që nuk ka të bëjë asgjëkundi me gjithë spekulimet  dhe manipulimet për axhenda politike apo tërësisht pa lidhje me axhenden e integrimit të vendit. Kjo është një lëvizje në drejtim të qytetarëve. Na intereson që mos ngelet asnjë shqiptar pa u informuar se çfarë është në thelb projekti i riciklimit të mbetjeve në vend”, tha Rama.