Prej disa ditësh vendi ynë është përfshirë nga një i ftohtë polar ku temperaturat kanë pësuar rënie.
Lidhur me situatën e krijuar në Dibër, në një lidhje skype në studion e lajmeve në MCN TV prefekti i qarkut Dibër z. Nexhedin Shehu, tha se temperaturat pritet të pësojnë akoma më shumë rënie në dy ditët në vijim.
Ai tha se momentalisht trashësia e dëborës arrin ën 30 cm, por Rruga e Arbrit fatmirësisht është e kalueshme ndërsa janë marrë të gjitha masat për çdo situatë.
Temperaturat janë të ulëta, ndërsa pritet që nesër dhe pasnesër të ketë akoma më shumë rënie të tyre. Trashësia e borës arrin në 30 cm, ndërsa pas disa kufizimeve me energji elektrike në disa zona aktualisht që flasim kemi furnizim në të gjithë qarkun.
Rruga e Arbrit ka prezencë të akullit, megjithatë është e kalueshme nga të gjithë dhe nuk paraqet probleme. Po rrimë në kontakt me të gjithë kontraktorët dhe emergjencat civile dhe të gjithë njerëzit janë në gatishmëri për çdo situatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
