Mijëra gjermanë kanë protestuar kundër kufizimeve të jetës publike. Në Stuttgart, morën pjesë 5000 protestues, edhe në Mynih, shumë më tepër njerëz se numri i lejuar prej 1 000 personave, donin të shkonin në Theresienëiese, ku zhvillohet çdo vit festa e famshme e birrës (Oktoberfest). Por policia e kishte bllokuar territorin, prandaj edhe njerëzit në fillim u radhitën rreth e përqark zonës së protestës, derisa i shpërndau policia. Protestuesit ishin në përgjithësi paqësorë dhe iu përmbajtën kushtit të vënë nga Bashkia e Mynihut për të ruajtur distancën prej 1,5 metrash. Protesta zgjati dy orë.
Tubime u zhvilluan edhe në qytete të tjera gjermane, si Berlin, Nuremberg, Leipzig, Bremen dhe Frankfurt. Në shumë vënde kishte edhe kundërprotesta. Në banderola shiheshin mbishkrime si “Dinjiteti i njeriut është e mira më e madhe, jo shëndeti i tij”, “Maskat nuk ndihmojnë kundër gënjeshtrave” ose “Stop vaksinimit”.
Protestat kundër masave të qeverisë për parandalimin e përhapjes së virusit korona po zhvillohen tashmë prej disa javësh në Gjermani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
