Rusia ka njoftuar se nuk do të pranojë më pagesa në dollarë dhe euro për gazin e saj të dërguar në Europë.
Presidenti rus Vladimir Putin ka urdhëruar qeverinë të nxjerrë një direktivë që detyron Gazprom të ndryshojë kontratat e furnizimit me gaz me “vendet armiqësore” në pagesë me rubla.
Përkufizimi “armiqësorë” lidhet me vendet që kanë miratuar sanksione kundër Rusisë për luftën e nisur me Ukrainën.
Sipas Presidentit rus, siç raporton Kommersant, furnizimi me mallra ruse në Bashkimin Europian dhe SHBA dhe marrja e pagesave në dollarë dhe euro “nuk ka kuptim për ne”.
Pas lajmit, rubla ka rikuperuar ndjeshëm vlerën në bursën e Moskës. Rusia, tha Putin, do të vazhdojë të furnizojë gaz “në bazë të vëllimeve dhe sipas parimeve të çmimeve të përcaktuara në kontrata”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
