Irma Marku, mësuese, analizoi në studion e MCN Informacion arsyet që i shtyjnë të rinjtë të largohen jashtë vendit për të studiuar. Ajo tha se është mungesa e mundësive dhe mosfunksionimi siç duhet i të gjitha hallkave të shoqërisë ajo që i shtyn të rinjtë të zgjedhin universitetet jashtë.
Flasim për diploma të forta. Por duhet të kuptojmë çfarë humbim. Ka gjëra që e diferencojnë pjesën e qëndrimit jashtë shtetit me këtu. Ne nuk mund të jemi truri që ikën, por shpresa që qëndron. Populli ynë ka një shprehje të bukur: më mirë i pari i katundit apo i fundit i qytetit? Mendoni se jashtë do na shtrohet tapeti i kuq. Ndalemi edhe te ana financiare. Jo të gjitha familjet e përballojnë.
Unë jap lëndën më të bukur, gjuhën dhe letërsinë. Por ai nxënësi nuk ka mundësi të blejë çdo libër. Biblioteka Kombëtare ka kohë që i ka mbyllur dyert. Për mua nuk është thjesht një alternativë pro dhe kundër. Është thjesht mungesë dëshire për të luftuar si komunitet. Përpos indiferencës, ne u ikim përgjegjësive.
Ajo që na ndodh ne në klasat e vitit të parë është numri gjithnjë e më i vogël i nxënësve në vitet e para dhe numri gjithnjë e më i madh i maturantëve që duan të ikin.
Nuk ka pavarësi të universiteteve. Akademia e Shkencave ka rreshtur së funksionuari si e tillë. Kemi rastin e shkollave si shkolla “Beqir Çela” që dilnin profesionistë. Nuk janë më këto. Nëse meritokracia nuk bëhet fokus kryesor, nuk do të ecim përpara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
